الصبر طيب
هشام صبح
يا رب يا عــــــــــــالم
بالقصد و النيـــــــــــة
عبدك,هنا غلبـــــــان
لا بيه و لا عليـــــــــــا
كترت حــــدادى البين
و لفيـن نروح و لميــن
نشكى الضنا.. ومنين
لجراحى مداويــــــــــة
صبر السنيــــن اتجدل
فستان فرح اتغــــــــزل
رقيلى يا صبيـــــــــــــة
الشوق ملا الوجــدان
غيطـــان هنا و ألحــان
فى النـور يبات فرحان
وفى ليلى أغنيـــــــــة
صبــــــر السنين اتغزل
طرحت غنــــاوى الغزل
غزالــــــــــــــة بريــــــــة
رمحــــــــت على كفى
رسمت بخطوتهـــــــــــا
خطين لعمــــرى ال راح
ماراحـــــــــــــوا يتقابلو
قدرى و أنــــــــــــا قابلو
يمكـــــــن يدوب الهوى
والا يــــــــروح فى الهوا
حلم اللقــــــــــــا ..فيّه
صبر السنيـــــن اتفنى
ما عادلى روح للغنــــــا
مملكشى غيــــر قلبى
قلبـــى على قلبـــــــى
شــــايب فى عز شباب
صـــــــــــــابر و متصبـــــر
و العمـــــــر متــــــــــقدر
مـــــــاشى و بتــمخـتــر
راقص على حبـــــــــلى
طــــــالت سنين حبَلى
بالحلم و المراسيــــــــل
صبــــــــر السنين غنى
سمـــع الوجـــــود منـــا
غنوة أمل صـــــــــــارخة
بتنــادى و تنـــــــــــــازع
العمر بيصــــــــــــــــــارع
لجلن يعيش أخضــــــــر
بوروده متــــــــــــــــــزهر
قلب لولــــد ضــــــــــارع
ملـوش فى دى السكة
مقــــــــدرش غير يكتب
على نتيــــــــــجة اليوم
"الصبـــــــــــــر داء طيب
أيوب شفـــــــــاه صبره"
