هلوثات مستمرة
هشام صبح
_فرجه قريب.
_الصبر طال
والقلب مليان بالوجع
_لسه الأمل.
_طب والعمل؟
هصبر كمان؟
طب والملل؟
راح نعمل ايه؟
_ماهو مش ناسيك.
_طب والدليل؟
_شمسه بتشرق كل يوم
تطرد غيوم
وتدفى خلقه فى السبيل.
_مشوار طويل
ولاعادش حيل
دا فى كل ليل,
بصرخ ودمعى يكون دليل,
جوايا شوق,
جوايا خوف,
جوايا حلم بيتكسر,
جوايا شرخ بيتولد.
_خليك حليم.
_جرحى أليم,
ملهوش دوا,
زى الهوى.
_غيرك كتير م المجروحين
مستنيين,
متصبرين,
بضحكة ثافية بيقدروا
ع الموج يعومو ويوصلو.
_غيرهم انا.
_لا زيهم,
افتح عيونك راح تشوف
الورد بيغنى لربيع,
عالم وسيع,
أطفال بيجرو ويضحكوا,
ألوان بترسم فى السما
أشواق بتحضن بعضها
ملايين نجوم
ويا القمر.
_ضاع منها,
أجمل قمر.
_احلم لبكرة من جديد.
_حلمى وحيد.
_حلمك وليد
على الطريق
لسه بيحبى ويبتسم.
_ينفع رجوع؟
_مشوار ولازم يكتمل.
_آآآآآآآآآآآآآه من كده,
ماهو مش كده,
فى كل مرة نحتيي
نرجع نموت,
آآآآآآآآآه م الشرود
_بكره يجود
الزرع ويطيب للحصاد.
_طب والميعاد؟
_كله باوان,
ولاحد يوم يستعجله
بكره الهنا
_تعبان انا.
_وياه أكيد وحده الدوا.
_طب خد بايدى نروح اليه.
_جواك هتلقى سكته
باديك هترسم جنته
وحدك يجوز
واللييل عجوز
بس قلبك مليان باشتياق
ماتخافش يوم من فراق
بعده أكيييييييييييييييييد
يوم للقا
