ملناش غير بعض
هشام صبح
ملناش غير بعض
فى عز التوهة بتتعكز على حلمى
و فى عز المر بحلى الأزمة بتصابيرك
ما انتاش والى
و ﻻ أنيش واصى على كﻻمك
ليك أحلامك
ليا كﻻمى
بكمل فرح الدنيا الناقص دايمامن لمتنا
صاحبى،صديقى،واﻻ أخويا
مايسموها على كيف كيفهم
فاكرك لما فى مرة بكيت
لما لقيتنى جى لوحدى
متجرجرة فى ديولى جبال اليأس
لما الدنيا دارت بينا
يومها حلفنا والله لنضحك على دى الدنيا
خدت الغنوة من على بالى
درنا نصحى حيارى الحى
لسه بحاول
أيوه بعافر
غصبن عنى
و انت فى ساقية دنيا بتغرق
سبت الحلم
ان الدنيا هتصبح جنة
استسلمت
و أنا عجزت فى درب الحيرة
لسه الدنيا بتقبلنا
و تفرقنا
و تقلبنا بمليون وش
بس فضلنا قلوبنا مسالمة
و بنستنى عروسة البحر
