أمنيات مرصوصين
هشام صبح
و لازم تملّى تخاف
من كسرتك نفسك
الحلم دنيا براح
و البحر ريح سوّاح
و التّوه ملوش آخر
خد م اللى جاى
و ارتاح
ساعة فى عصرية
و املاها ملاغيّة
ويّا بكارى الحور
و اللى عليها الدور
هى اللى هتضلل
م الشمس لجبينك
عمر اللى راح
ماضى
راحل مهوش راجع
اوعاك يشد الجاى
ويّاه فى رايحاته
و اوعاك تمد الشوق
للى ماراح هتنول
الا فى تغميضة
الآتى نايه جريح
حزن..
وساعات تفاريح
لما تلذ الآه
ساعة ما راح تلقاه
من بعد شوق سعيك
..مولاك
أكيد فاكرك
فى ميعاده مستنى
هتجيله متأنى
والا بشوق ملهوف
بحنين مزيجه الخوف
ياخدك جلال وجدك
هزلك
كمان جدّك
كله وراك ولّى
مبقيشى غير قلبك
صافى و متصافى
ويّا آلام العمر
