تقاسيم
هشام صبح
الحلم علّم علامة
باقية ليوم القيامة
ساعة سداد الدين
فى القلب بان رسمه
لما الهوى وسمه
بسمت للصابرين
اتبسمت سنة
مالت كما النسمة
ريحة الحبايب فل
و الباقى كان ياسمين
ويا قلوب راسمين
حضن و دفا و تحصين
م الشر و الأفكار
يا حزن سيب الدار
خلى اللى بات مندار
يرسم فرح بسّام
و اطرد غمام الهم
كل اللى ضاع يتلم
لما الاوان ييجى
صابر و متصبّر
قدر و متقدّر
نبعد عشان نرجع
فى يوم بأشواقنا
و بلهفة مقسومة
و اللحن تقاسيمه
بيات على صدرك
ضمي بحنيّة
شوقى اللى كان ليكى
من قبل ما تكونى
من قبل ما كونى
يصبح فى دراويشك
