فوق م الوهم
هشام صبح
الدنيا مش سهلة
و ﻻ بتتحل بالدعوة
فوق م الوهم
و اسعالها
..........
الناس ما عمرهاش تنسى
وﻻ تبطل تقيد النور
فى عز الليل
عشان تتدفى بالسيرة
و حدوتة من حكاوى الخلق
فوق م الوهم
متسجدشى سوى لله
...........
ربك مبيحبش تبان له ضعيف
أمام خلقه
يحب يباهى بيك الخلق
لما تلين رحيم مثله
فى شدة قدرتك ع البطش
فوق م الوهم
كون أقوى مخاليقه
تنول الحب
........
متحبهاش فى رقتها
و غنجتها
على صدرك
فى قلب الميل
وزيد فى العشق ان قالت
أحب العدل
و ان تظلم
-فى سبيل الحق-
قصتنا
فوق م الوهم
ما تصدق
غوايتها اليك بالميل
عن صدقك
...........
السحر له أساطين
كمان فراعين
تحب تلبس الحق بالباطل
و تدهن الحقيقةبزيف
فوق م الوهم
ﻻ تجادل
و ﻻ تناضل
كون موسى
وحرر باﻻيمان قلبك
تحرر وعى مين يشهدو بصدقك
