منها..ليها
عن عنيها..
بافتراض حسن النوايا
الحكاية..
رمشها وقلبي الحزين
والبداية..
إنها سهرت معايا
ليله صافية فــ ليله دافية
فـ ليلة سِكرِت دمعتين
ليلة أطول من سكوتها
من كلامي..ومن غنايا
وليلة أقصر..
من جدايل فوق كتافها
ضللت ضي المراية من سنين
هي..يمكن!!
قلبي..وارد!!
شوقي كان ممكن يصدّق..
لولا ضل العشق مارد
فـ إنتظار قرب اللقا مع ضيها..
لم يستكين
عن عنيها..
بافتراض الكدب فيها
الحكاية..
وعدها لعمري بيومين
باع قصادهم نصه راضي
وساب لروحي النص فاضي
بالتغاضي عن شروعي فـ الحنين
عن عنيها..
بافتراض حلم ونسيها
بافتراض تبعد وعايش
كنت ههرب من حكاية
فـ النهاية..منها ليها
تفتكر..وانكر قصايد
لسه ساكنة قلب قايد
لسة غاوية تشتهيها
من كعوبها للجبين
عن عنيها..
باتباع الظن فيها
بعض ظن العشق خلى
ذنبي يخجل مـ المحاولة
ويوئد الحلم الجنين
========
