عاشق و حاوى
هشام صبح
عاشق و حاوى
و طبيب مداوى
سهير ليالى
وغاوى الغناوى
بمد الخطاوى
لبكره لكن
تملى يا خالى
تشوفنى بضحك
تقول ده حزين
واﻻ يكونشى
حزن فى ملامحى
مصاحب لجرحى
اللى كان من سنين
ما انا اصلى عاشق
و لكل عاشق صبابة و جرح
مصاحب لفرح
و غنوة راحت
و غنيوة جاية
بتغزل فى نولها
شعور الصبية
بوزن و مقام
اسمع يا عمى أول حكايتى
جتلى البنيةحكاية صبية
و عنيها فرحة
بغويشة و طرحة
و دق خلخال
ما تسمع يا خال
انا قلبى نونو
عشرين تملى
فرحان و عايق
رغم الآﻻم
و زينة حبيبتى
عايقة و رايقة
رموشها كحيلة
و خطوتها رقصة
تقولشى تحية
و كاريوكى صوتها
فى غنوة شقية
و طعمة و شهية
عناقيد خدودها
و عودها رواي
يا جاى باللى رايح
بعمرى قتيلها
و عشقى فداها
يحنن قليبها
ربى الكريم
يا فتاح عليم
يا ودود رحيم
معلق فى قلبى
عودين مرمرية
تمرمر حبيبتى زمانى و ﻻ مرة
تمرش عليا
فى خطوتها فايتة
هوايا الوحيد
يغنى و يصرخ
تحنش عليا
كحيلة الرموش
و عمرى الفاشوش
راح ولى عنى
و عمرى اللى جى
فرحة قريبة
يوم يهنا بالى
و أسكر صبابة
ووجد و غرام
و من حر عطشى
تبليلى ريقى
تبلبل لى فكرى
خمرة شفايفك
و بعلو صوتى
أبوح ليكى أقول
يا كعب الغزال
مين قال لعاشقة
رقصك حرام؟؟؟
