الوصايا
هشام صبح
الوصية الأولى:
ولازم تمشى مصلوب على عودك
على خضَاره
و مقدراك
متظهرهوش
الوصية الثانية:
لابس ومتشيك
ومتأنتك
ومتقمّع
ولا تدمّع
لرقة فى قلبك
ان تظهر
الوصية الثالثة:
صبر أيوب سنين البين
عشان ربه
الوصية الرابعة:
النية محلّها قلبك
رضا ربّك
رضا المخاليق
عن خلقه
الوصية الخامسة:
القلب
قَلب حقيقة
تطويعها
عشان ماتبانش
الوصية السادسة:
سيدك
و سيده
سيد الناس
كان وسواس
بيخنسله
فكان يهمس بآية الكرسى
عشان يوصل
أوام للعرش
أو جنبه
الوصية السابعة:
متسألشى عن التفاصيل
سيبها لوحدها
توصل
فى لفة زهر ويا سيجارة
ورزع قشاط من الطاولة
لما تزنقة فى اليك
الوصية الثامنة:
انكرنى
و انكر يوم لقانا زمان
من قبل ماتضحك الدنيا
الوصية التاسعة:
أهلك..
يا تهلك
الوصية العاشرة:
مبروك
راحت خلاص عنّك
هموم قلبك
و صبحت طيف
انسان
تتمة:
هلك البدن
سيبوه يرتاح
لا الحى ميّت
و لا اللى ميّت
جاى
