إعلان

الرئيسية » » السقا مات | هشام صبح

السقا مات | هشام صبح

Written By Unknown on الاثنين، 9 مارس 2015 | 7:13 م


السقا مات
هشام صبح



هتهرب هجيبك



شايفك وعارفك

و عادك و حافظك

و عارف مداخلك

و سادد مخارجك

و لافف و داير

و بارمك فى جيبى



انت حبيبى

و نور العيون

و فرش السجون

و عابد لسيدك

اخترت قيدك

و جتلى بكيفك

لاحد ضربك

و لا حد غصبك

ولا حد قالك

تطاوع هوايا



هوايا لكيفى

و لا هوش بايدك

تغير مصيرك

العبد راجع

بكيف الغوانى

و رقص الغوازى

فى زفة و موالد

يأيد يعاند

من قال يحرر

تراب الممالك



و يرحم دقونهم

لما تخطت

حدود الآداب

و فكرونا

يوم لقمة سايغة

فى الكرش دايبة

و هينهشوها

بكيف الاله



و السحر داير

على اللى حاير

دا احنا بدعنا

شغل الأفاعى

انظر تراعى

حدود الالتزام



خليك فى حالك

و راعى عيالك

والحس عتبنا

كما كان أبوك

ناظر ادراة

فى مدرستنا

خدّام فى بيتنا

حارس حارتنا

نأمر ..نطاع

و لا مرة واحدة

قال هاتو حقى

وعاشها راضى

يرحم أبوك

السقا مات

التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4