فى رثاء حبيبة
هشام صبح
ياحبيبا كنت يوما اعشقه
ضعت منى والطير فارق ايكه
والنعل فارق كعبه
والطوق فارق كلبه
والبرد قشف جتتى
والحب ولع فى الدره
سبتينى ليه وحدى غريق
وفى جتتى قايد حريق؟
ولافيه مطافى تطفي نار القلب بعدك
ولا فيه سيجاره تونس القلب البرىء
وف غرقتى اغطس واقب
واصرخ واقول بلوء بلوء
ولاحد يسمع صرختى
والمس بايدى القاع واطير
ع السطح تانى اخد نفس
وارجع واغطس غطستين
واقب تانى قبتين
واسال عليكى انتى فين؟
يهمسلى صوت من بعيد جاى م السما
ويقولى يابنى انت فين
وهى فين
ماتخلى بالك من لحافك
وعلى قده مد الرجلين
متخليهاش تبهدلك
وفى بحر حزن تعذبك
دا الجتة مش خالصة وانت يابنى صاحب مرض
والعلة بالجسم ان تزيد
ملهاش طبيب ولادوا
خاف منها يابنى على قفاك
هو انت حيلتك غيره يابنى
متخليهاش وراك وراك
قلبك عليل وليه دوا
ودواه تشخبط ع السطر القديم
وتروح تدور ع على قلم
تكتب بخطك مرتين:
"انا مش خرونج
لالالا انا كنج كونج"
ولع سيجارة وحط ايدك فى الجيوب
وامشى ودندن فى الحسين
اغنيتين
او قول تلاتة مش مهم
بس الاهم
ترجع ف ايدك كيسة سودة
جوه منها فيه كوزين
بيرة سخنة وواحدة تانية مشبرة
اشرب وقربع واستلذ
وان ليك مزاج خد منى ادى برشامتين
وف اخر الليل اياك تنتحر
لحسن ودينى ما ادفنك
وفى جهنم تترمى
هتلاقيها يابنى منين والا فين
نار فى دنيا ونار فى اخرة؟
خليها تبقى واحدة من الاتنين
خايف عليك
اسمع كلامى وافهمه
واخرملى ودنك حلقة فيها علقه
عايز تعيش ع الذكريات؟
خليك براحتك وانت حر
متجيش تقولى كان لى بر
ولا كان لى شجرة واقفة خضرة مفرعة
راح تتهبل
وتجينى دقنك منبتة
وناكشلى شعرك,معرفكش
ادى الطريق وانت الكبير
ولو انى عاذرك دى حاجات
ولاتفرق السن فيها
كبير كان او كان صغير
وختاما لك الف سلام
