بدون عنوان
هشام صبح
ليل داخلى
نهار خارجى
جدار قلبى صبح مشروخ
عساه النور
يصير دخلى
شديت حبال صبرى
على آخرى
صبح عزمى فى حيلى قليل
لكن لسه
مفيش تأجيل
مفيش تعليل بضيق الحال
رواقة البال مبتجيشى سوى بمخاض
ودق الزار مبيفيدشى
سؤال المد ميجيبشى سوى جزره
و كل حساب على النية
ميخدمشى
ميحكمشى سوى بموتك
مابين بينهم
و لايشينهم
مساعيهم لطلب الزاد
كله فى ليله متدارى
و لادارى
ولا عايز يكون دارى سوى بوجعه
متشكيشى
تلاقيشى سوى راحتك
وكون وحدك كمان بينهم
متحزنشى
و شد الخطوة على حبلك
على مهلك
عساك توصل فى نور للشمس
مغربتشى
