حلم
هشام صبح
مريض بالماضى و الأحلام
كما الأوهام
يزورنى طيفها كل ليلة سلام
على نارى
ياريت تبرد
متبردشى
و آمالى مبتنامشى
تدق فى راسى محملشى
طلوع شمسى فى صبح نهار
وأشيل أوزار متتشالشى
وأدق الزار
متهمدشى عفاريتى
و كل طريق صبح بيتى
وبيتى لسه مسكنتوش
ولا هجرته
والحلوة لسه مازارتهوش
مزعلتش
ولا بكيتشى
وقمت امشى
فملقيتشى سوى الزحمة
وجيت أرجع
فمقدرتش
وقفت مكانى تحت الشمس
جت غيمة
ممطرتشى
مديت خطاويا فوق كوبرى
ملحقتنيش
وسابتنى أدفى بحضنى كل غريق
وأبل الريق
بطعم شفايف كل سمارة قابلتنى
مملكتنيش
