كلام
هشام صبح
تحلم معايا؟
لساك خايف من حلمى؟
لساك قافل على نفسك مليون باب؟
لساك بتنام وتسيب حلمك,
على باب العمر واقف مهزوم؟
لسه الخوف جواك بيجلجل؟
طب راح حلمك وانت سعيد,
ليه مش سايب ابنك يحلم؟
وتشوفه بعينك مسخ حزين,
تقتل جواه الامل,
تنسج عنكبوتك فوق عنيه
طب حلمك انت وانت حر فيه,
وان ابنك انت كمان رضى,
سيبنى انا أحلم لكم,
لا مش لكم,
دا حلمى انا,
حلمى عشانى ولابنى أنا,
مش هسيبك تسرقه,
وتموته,
خد ديولك واتدارى فى الجحور,
شد اللحاف واقنع نفسك بالدفا,
سيبنى فى حالى وحلمى أنا,
بس بطلب منك قبل ما أمشى طلب ياريتك تسمعه
متجيش فى يوم وتقاسمنى فى جنتى.
