شىء فى قلبى
هشام صبح
شىء فى قلبى
يمكن قفل كل البيبان,
يمكن كمان بيناجيه,
يمكن ساعات يشكيه اليه,
وساعات كتير يعتب عليه,
او يلومه,
بس هو مش عتاب,
هو يمكن شوق اليه,
حب مجروح بالآلآم اللى خبت نور عينيه,
تحت دمعة هى صاحبه ومالية قلبه بالمرار,
عارف انه لسه مش غضبان عليه,
ولا حتى منه,
هو فاتح حضنه ليه,
مستنيه,
زى أب شايف ابنه بيغيب عن عينيه,
سايبه يبعد,
وابتسامة صافية واثقة ماليه وشه,
عارف انه يوم هيرجع تانى ليه,
وفى عينيه,
دمعة حنين واشتياق,
دمعة ندم,
وسعتها حضنه تانى راح يضمه,
وبحنان ,زى زمان,
يرسم البسمة فى عينيه,
ويمد ايده باشتياق لجل مايطبطب عليه........
