لسه برضه قادر أضحك
هشام صبح
لسه برضه قادر أضحك
رغم الغمام
رغم المطر
رغم تكتكة البرد فى محطة اﻻنتظار
رغم المرار
رغم أحﻻمى المبعترة
جوه السكك
بين الدروب
لسه برضه قادر أضحك
رغم انى زمان فارقتك
رغم انى
للعجب
ما قابلتكيش
رغم أوجاع اﻻشتياق
رغم علقم ملو قلبى
لما بفرد الاشواق ببابك
و ﻻ تفتحيش
لسه برضد قادر أضحك
رغم انى
غصب عنى
دمعة فرت من عينيا
يوم فى عز رقصتنا سوا
دستى ع الأحﻻم فى خطوك
رغم انك
زى ماانتى
تملى كنتى
جوه أحضان اللئيم متلذذة
فايتة قلبى
بره محرابك حزين
لسه ياما قادر أضحك
وأمﻻ دنيايا غناوى
لسه بطرح
لما بفرح
ألف بسمة مفرعة
لسه شايل العهد فوق كتافى
لسه قادر
انى أعافر
و أترسم بين الوشوش
بابتسامة مخضرة
رغم أحزان الفراق
بعد أوجاع اللقا
رغم النفاق
رغم الوشوش
رغم أيام راحت فاشوش
رغم الوساوس و الضﻻل
رغم ميت مليون كلمة
ياريت
لسه برضه قادر أضحك
عليكى يا أنا
و بقول رضيت
