ياسين(موال محفوظ)
هشام صبح
عروسة حلاوة بتتمختر
بضفيرة و شال
على ضهر حصان
بتلف تسابق فى زمنها
وتنط لفوق
تلعب بقلوب
وتغمى عيون
فى التوهة يغنو ويتحاكو
ع اللى قتلت ياسين
وياسين أهو ماشى بيتطوح
من وجع الآه
لا السم داواه
ولا سال دمه يدفى رموشها
كما كحل العين
زى المواويل
تزعق بأنين
يبكى السامعين
ويميلو مع(أن)ربابة
والهم لفييييين؟؟
والفكر ضنين
لا بيشفى جراح القلب
ولا بيداوى جرح المجاريح
وآدى بهية
حرة ندية
مدهونة بزيف
ماقامتش فى يوم مدت ايدها
تاخد بايديه
ولا حاولت مرة تحن عليه
وعليك وعاديه
لسه الحدوتة بتتحاكى
عن دم ياسين
