متقْلَقِيش
كلام كتير بقوله
والرد
ليه ميجيش
وحاجات كتير ببعتها
يرجع معاها
مفيش
تتبسمي في هدوء
من بعيد لبعيد
وتقدمي احترامك
و تتصنعي انشغالك
بحاجات
مبتشغلكيش
-
خايفة إني أحبك
-
متخافيش
-
بحبك
-
فمتشغليش بالك
متشغليش
مطلبتش منك تحبيني
ولا عمري
هسأل عن رأيك
انا بس بقول اللي في قلبي
فمتِقلِقِيش قلبك
و متقْلَقِيش
خلي المسافات بينا
جميلة
وطول ما احنا بعاد
سيره الفراق متجيش
والقلب اهو خد ع العذاب
واتعود ع التطنيش
فكوني بطبيعتك
ومتفكريش
-
بحبك
-
بيني وبين نفسي
كلام
ميهمكيش
فمتِقلِقِيش عقلك
و متقْلَقِيش
