أنا
هشام صبح
أنا..أنا
أنا الحاير على السكة
بالسِبحة
و بالسَبحة
و بسياحتى كما الدراويش
و باتونس
بتغريبتى
أنا .. أنا
,بعيدا عن فلسفات الخط و النقطة
ان شفتنى
يروح النور
و ان شفت نورى
...متلمحنيش
أنا الماسك فى حبل اللمة
بالوِحدة
و بالوَحدة
..و بالتوحيد
و بالواحدة
بعد دقايق أنفاسى
عسانى فى يوم
أبل الريق
من عطشى
و تتشقق جُدُر قلبى
و يصبحلى فى عطفة حارة جوه قلبك
يا سالمة مقام
كفاكى منى انى عشقت ترانيمك
و عشت أطوف حواليكى
و مكفرتش
أنا..أنا
أنا اللى جعلت محبتك قُربة
و عَمَّرت الضيا الفايح من تبساميك
و بقيت أتهجى تفاصيلك
لجلن يشق القلب صمت الكون
يقول
الله
