انسان
هشام صبح
انسان
لو ترمى الزهر يجيبلك دش
وان أنا أرميه يجيب هاب يك
تزنقنى وتلعب بعديها عك
والضحكة الحلوة تجمعنا
والضحكة العالية تفرقنا
مع نسمة صبح ترد الروح
وسيجارة الليل بتمتعنا
وتنسينا هموم اليوم
مشاوير كنا نخطيها
ذكريات
وكتير حاجات
هى كده الدنيا
قطر لقا داخل فى محطة فراق
نتجمع ونعيش ساعات
وبكرة نرجع نكون ذكريات
مجرد ذكريات
حلوة مرة مش هتفرق
بس المهم ماننساهاش
ولد وبنت ,بنت وولد
جوكر يقش
او قلب يدق
ساعة فى ايدك أو فى ايديا
كارت يعلى
كارت يوطى
دومينو وشطرنج
كش مات
يطلع تعادل
كده أو كده كسبانين
تكسب انسان
والا تعيش حيران
مشوارك يبعد والا يقرب
وتموت حاجات
ونقول آهات
ساعة وداع
امتى هترجع؟
مش هتفرق
تفضل معايا شوية صور
وضحكة حلوة
