فرصة
هشام صبح
لتانى مرة بكتبلك
و أدندنلك
احنا حيارى السكك
و السكة مش سالكة
لساك بتطفى شموع
و العين تغوص فى دموع
والقلب بات موجوع
من غوصه فى الوحلة
مديت ايديا أنا ليك
منك اليك بشكيك
أبوس ايدين والديك
انسان جميل انت
متغطيهاش بالطين
روحك..رايح على فين؟
الناس كتير فايقين
مستنيين زلّة
احنا فراش طايرين
لسه صحيح حايرين
مااحناش فى يوم واصلين
الا بنقاوة القلب
دنيا ما دايماشى
و الكل أهو ماشى
يوم أو يومين .. ماشى
متخليناش نعطل
من تانى هنعافر
نحلم وهنسافر
لشط بكره أكيد
نخلقها دى الفرصة
