عائشة
أحمد أسامة
كانـت سكـنـانـي وغـافلنــــي
وسكَـــــنها الموت
كـان بــاب الجَـنــة امـا يــزَيـّق
أفـتح ضَــرفِــة بَـابـنــا الضَـيـق
واجري عَلى النور
أفـطَـر بالــدَفــا مَـــلـو إيـديـهـا
وأشبَع مـ الشَمس فـ حَكَاويها
بَعدِيـها نصَــحّي النَاس بِالـدور
كان بيتنا يـبـص على الشـارع
والشــارع فـ الذكــرى عـنيهــا
بـشـــرود حـواليها بـيـسقِـيـها
للحـــزن بـحـــــور
وسـط التَـفـاصـيل الهَـربَــانـــة
فيـه لحظـة بتفـضَـل سـكنَـانـا
رغـــم الــتــراحـيل ويـا الايــام
بـين بِنت وَحيدة فـ وسـطيهـم
وتـــلات صـبـيـان
بيـنـي وبينهم أنا مِـش مِنـهـم
ومـابين النـاس العـارفـيـنـهـم
ومايـعـرَفُـونـيـش
أنــا أخــر عَـنـقـُـود الأحـــلام!!
مِـن أخــر فـرحــة وأول حـزن..
مِـن أخــر حُــضـن استَـنـيـته..
لامـبــارح ســامــــــع جـــوايــا
صــــوتـــهـــا الــمَــبــحُـــــــوح
لامــــبــارح قـاعـدة وبـتـسَــرّح
لــــيــلــــــي الـــمَـــدبــــــــوح
وامـبــارح كــان لـســه قـريــب
امبارح فـات..من عشرين عـام
========
