حلم بورنو ..( بدون مونتاج )
عمرو شاهين
حلم بورنو ..." بدون مونتاج "
العمر مسافة
القلب ضعيف
مش قادر يفتح نص الشيش
علشان الشمس تسيب القلب وتخرج بره
وف عز الصيف
يتكلفت خوفي من المايوهات
في ضفيرة بنت ب تلعب أولى ف مدخل بيتنا
ب تمد عينيها وتفتح سكه
علشان يوصلني
النفس الهادي الخارج منها بطعم الطوفى
وأنا بفتح بابي وبخرج جوه الناس
..........
و ب تسألي
يا شمس لسه ب تتولد
عن ليل عجوز
لملم ف لحيه من النجوم
أخر مَشاهد عمرك / الفيلم القصير
يعرض حياتك ع الملاء
والعرض خاص
أنت المشاهد والبطل
يفضحك قطن الكراسي للبشر
مونتاج سريع
رجلين بتهرب للخطر
وعينين بتكشف كل تجعيده فراق
أيدك ب تحضن كف بنوته ب براءة
وخيال وقح
ب يغطى عريان جسمها بالشوق
فاصل غنائي
) الوهم مات .. والذكريات
قالتلى حبك بالوجود )
إياك تعود
..........
معرفش ليه
ب تخاف تحب لا تنجرح
وتخاف لتجرح
تتقلب عاشق
يخرج ملاكك للبنات يتنفسوك رقه
يعشق شيطانك حسنهم
يتمعشقوك رغبه
مبقاش بقيلك م البراءة
إلا ارتعاش دكر الودع م الخوف
ينهد سد
أمن طوفانك انك نبي للعهر
.........
ما أحوجك للحب
وأنت المسافر في اللاشيء
مولود على سكه سفر
بين فين ل فين
بين حلم مات لحظه دخولك ف الحياة
وحلم يمكن يتولد
ف النعش
