ميلودراما
أحمد أسامة
تـنـويـه
======
الأسطورة..
والصورة الأبيض واسود
مُـبتدأ الاســــتـنـتـاجـات
يوم ما يبقى..
إفتراض الصـدق خـــيبة
وإحـتمال الصُـدفة ألعَـن
إكـتمـال الفــــن أَعــــلَن
إنـتـهـاء المـعـجــــــــزات
بـِ المـخــــرج إيـــاه اللـــي جَـسد
فيلم..ألام المسيح
والمسلسلات التاريخي والتركي
بالـدبلـجـــة العــربي الفـصـــــيح
تـلـمـيـح
======
كان أخر الكِدب الصَريح
أول الكِــــدب المـبــــاح
صوت الاذاعة..
الخــلاعـــة والانـفـتــاح
بـورســعـــــيـد..
اللي زمـاااااان
قَبل البوتيكـات
والميكروبَصات
قبَل الالـــــوان
فـ فـيلم اشاعــــة حُــب
قَبل المِـيك اب والزحـمة
كـات احـلى كتير من لما
صــدفة شفتها عن قرب
تـقـريـب
======
كـــان شـــيء مـعـــــــروف
مارلين مونرو شعرها أصفر
مِن قَبل الشـوف
بس المــجـهــول..
لـون المـايوهـات
الرمـاديـات ذات الحِـشـمــــــة
طِلعـت أحـمر..أزرق وأخـضـــر
كُل الدرجات..سَادة وكاروهات
زي شباك التذاكر
واللي عـاش خـمـسين ســنة
محـبوس وراه..لغاية ما مـــات
بيـاع الـــورد..علشــان يـاكـلوا
بيأجل حـلم حـضــــور العـرض
ودخــول الجــنة بـغَير حِـساب
مع إن عـرايس المـاريونت
اللي اكـيد هـتروح الــــنار
كـانت دايـمـا و فـ عز البرد
بتأدي الفرض
ودايـمــا تــاخد بالأســباب
مـونـتـاج
======
تـلات مـشاهد مـيلودرامـا
هَـزلية لمـا اتَخَـذوا العـجل
فَـ استـهلكوا كُـل الـدَهَـب
واستعجـلوا يـوم القيامــة
اكليل الشـوك..الدم
رومـانسية الصـليب
أجـلوا كـل الذنـــوب
وحـكـوا سـاعتـهـــا..
عـن إلَـه قـادر يتوب
وبشر فـ غاية الاسـتقامـة
قُـدرِة إلَـه..
والفـيـنال..جــبل الـرمـــاة
كـان واقـعـي جـدا يومـيها
كـان واقـعي لحـد الخـيانة
سـاعـة ما ثار ع المؤمنين
وصـرخ فـ وش الـ انكـسـر
إن البـشر هـتمـوت بـشـر
واللي انتصر..حُكم الحياة
======
