عدو نفسك
أحمد أسامة
عدو نفسك
ولا نافسك..عِدا نفسك عَدا شطانك
هوى نفسك
ردى و رِدًة..وسوء الرد قرأنك
نشانك صاب..وساب اعطاب
وفين اعصاب..
بنسفك للي قدامك...
هتقدر مرة وتنافسك
يا غارسه فيا وجعك غرس
وعيت درسك وبتعلم
ضمير خانك ولا اتألم
وعاش عادي
وَعاش فيكي الضمير للدرس؟
مأمن بالقضى مسلم
رميت احلامي للماضي
واهو قصادي
فرقتي اليوم ف ايه عن امس؟
وايه الداعي نتكلم
ياكدبة مصدقة نفسك
يا سوط جلاد ف توب قاضي
وشوط مسعى لسراب فاضي
انا راضي بضمير معطوب
وعن ذنبي ف حياتي ما اتوب
مادمتي راضيه عن نفسك
مافيش بعدك حساب لذنوب
ماانا المغصوب
وانا المغلوب على امري
وانا اللي زرعت من عمري
السنين فيكي
جنيتي قد ماجنيتي
لا سبتيلي..
ولا خدتي اللي يكفيكي
ولا جيتي على نفسك
حبيبتي وكل مافيا
بيكره كل شيء فيكي
مشاعري فيا منفيه
ومستنيه تنفيكي
وتفنيكي..
على خوانه
عشان بينك وبين نفسك
نسيتي ان انتي انسانه
وسلمتي لشيطان نفسك
========
