ماذا إذا
أحمد أسامة
عُمر فـ ازاز
<p>والجاذبية مقصلة..أول قانون</p>للابتزاز
طول عمرها والمعطيات..
<p>اكبر من العمر البريء من فعلتك</p>
<p>او قد تساوي لحظة واحدة فـ غفلتك</p>
أو ماتساويش
وبأمرها...ف عز الثبات
صاعد زمانك بالهبوط ساعة زمن
والعمر في قعر القلوب
بقى ذكريات ملهاش تمن
ما بتتحكيش
<p>جامح حصانك اخطبوط بره السبق..</p>
<p>والسكة سبعين اتجاه حيرة وقلق</p>
رايحة لـ مافيش
قادر كده فـ نَفسك تعيش؟
وانت اللي فات وانت اللي مات..
وانت الحياة..مابتنتهيش
مسألتهاش ماذا إذا؟
كنت الوليد..المعجزة
كنت الحساب..كنت الجِزا
كنت الشهيد..
كنت اللي يقدر كل يوم
يتولد فيك من جديد
ايوه وارد ذكرياتك
تلزِمك سِنك وطولك
بينما القلب اللي منك
حلمه بالشريان يطولك
يوهبك عمره الي باقي
يلهمك سره الوحيد
ويشكلك..ويحُطِلك
بصمة بنان..بسمة رضا
ساعة ادان..
ساعت دموعك كلها فـ ركعة قضى
على روح سنين ضاعت هدر
قبل القدر ما يلملمك
ويتممك تصبح فريد
=========
