يعني ايه صعبت عليك نفسك ؟
محمد السيد عزيز
يعني ايه صعبت عليك نفسك ؟
يعني ما لقيتنيش في قلب الحُضن
يعني ايه يتملكك يأسك ؟
يعني تستسلم لطبع الحُزن
وانت بتحب السهر بالليل
والنهار ع النومه متقضي
دارو عيني والدموع والويل
وامي داخله تشوفني متغطي .
دارو طبعي القاسي عن صاحبي
حوشو عيبي في طرف قمصاني
الليلادي الدنيا بتساعني
بكره جايز بردو قضّاني
طب وباقي العُمر ؟ - هيعدي
وابني يجي الدنيا من بعدي
شايل الرايه اللي شيلناها
ثم يجري العمر , ينساها
ثم يخرج بره قضباني
السنين الجايه هتشيلني
السنين الجايه رفضاني
لو وجع ف العقل , نستحمل
بس وجع القلب ده شطاني
