حب شكله مختلف
أمينة عبد الله
سياسات متداخلة ..حب شكله مختلف
(1)
مكانش درس علوم
أو شرح لمعنى الكوكب الأحمر ؛ وإزاى تشوفه ,
مكانش
كلام ف السياسات المتداخلة ,
وأهمية صراع الحضارات
كان مجرد
حب شكله مختلف .
(2)
مد إيدك
ف المسافة الواصلة بين
أفكاري وجنوني
لفض نزاعات الممكن والمتاح .
لو ح تقدر
تحيد مواريثك
ف علاقة الرجل والمرأة
ف احترام حرية حركتي
تجدد فكرك بعيد عن النقرة
ح يكون
الدوس على جسر من العادات والتقاليد
أسهل من شرب السيجارة أول مرة
أحد من شفرة المناورة باستمرار
وأخبث من طهارة الجنابة من غير ما حد
ياخد باله
ببساطة
أول الفكرة جنون
منتهاها
حقيقة
من مجموعة..سوبر ماركت
