يارب موضوعي
الدرب والأيام
شايب وانا سبوعي
فات لم يتم العام
الدرب والأيام
شايب وانا سبوعي
فات لم يتم العام
يارب انا بجوعي..
للضحك ع الفاضي
ولدَبّة الخطوة
والعَد ع الهادي
يارب بُكرة إزاي..
أصبح من الماضي!
للضحك ع الفاضي
ولدَبّة الخطوة
والعَد ع الهادي
يارب بُكرة إزاي..
أصبح من الماضي!
بادي الحكاية حروف
ملضومة فـ لساني
تاهت فـ صرخة خوف
وانا ديلي فـ سناني
تالي الحكاية ظروف
جَدّت..فَمنعاني
ملضومة فـ لساني
تاهت فـ صرخة خوف
وانا ديلي فـ سناني
تالي الحكاية ظروف
جَدّت..فَمنعاني
مدّيت سبقت النور
هدّيت سبقني الضِل
صلّيت فـ حضن الحور
حجّيت فـ شهر الحِل
ملّيت حاجات بتزيد
حبّيت حاجات بتقِل
هدّيت سبقني الضِل
صلّيت فـ حضن الحور
حجّيت فـ شهر الحِل
ملّيت حاجات بتزيد
حبّيت حاجات بتقِل
والصبر كيف بيذِل..
كل اللي حيلته لسان
كل اللي صبره دموع
الضحكة فيه بتبان
أكتر من المبسوط
كل اللي حيلته لسان
كل اللي صبره دموع
الضحكة فيه بتبان
أكتر من المبسوط
وانا ضحكي من غير صوت
بيموت فـ احزاني
ويغيب وينساني
ويسيبني بين عمرين
واحد هرب منّي
واحد عليه العين
بيموت فـ احزاني
ويغيب وينساني
ويسيبني بين عمرين
واحد هرب منّي
واحد عليه العين
يارب موضوعي
عُمري اللي جِه بالدين
باللي انسرق منّه
واللي انكسر فيا
عشمان فـ فَرق يومين!!
عُمري اللي جِه بالدين
باللي انسرق منّه
واللي انكسر فيا
عشمان فـ فَرق يومين!!
