إعلان

الرئيسية » » ياه ع الولد | أحمد أسامة

ياه ع الولد | أحمد أسامة

Written By Unknown on السبت، 21 مارس 2015 | 11:12 ص


ياه ع الولد
أحمد أسامة



ياه ع الولد


بين العيال المغرمين



ما كانتش صدفة ان انت فارق ف التمن



وبرغم بيتك مش هنا



متساب كده



سارح امانة ف وسطهم



ماانت اللي زيك..ع اللي زيك يؤتمن!!ء







ويومين زمن..حان الوداع



واللي اشترى خير م اللي باع



يوم دارى صاعه ف المتاع



الامر ذاع..وبيسألك



هتفوت رحالك ع البيبان..



هتخش في دين الملك؟



لو كان كده..



يبقى خلاص آن الرحيل!!!ء



يا قدرتك دون العيال!!ء



يا قدرتك..قادر تشيل؟







قادر تميل بالفرع نادي



وانت جدرك ف السما؟



قادر ف مدرسة السنين



ويادوب هتتهجى الحياة..



انك تسطر ملحمة؟



ياه من ولد حمال جبال



ياه من ولد...دون العيال





ياه م اللي بور الارض طرحه الصاع صاعين



ياه م اللي كان حالف ينبت



رغم تجريف السنين





هو انت مين؟



ولا انت مين قادر يجاري خطوتك



تايهين هناك وانت اللي عارف سكتك





طب كنت قول



ان انت عاشق للحياة



وما لكش نية انك تموت



ولا الي بيحب الحياة



واجب عليه حب السكوت..



اه من تابوت الذكريات



شايل معاه فرح ووجع



اه م اللي وفـ لحظة ندى



لبى وراح سوى البدع





اه ع الجدع



<p>على سكته فـ ساعة قدر</p>



دا ان كنا نقرا الكف من ورق الشجر



ولا اللي شفناه ف الوداع



مكتوب على جبين القمر



كنا نناديه..ونبوس ايديه



ونحني روسنا بالتراب



اللي كان دايب حنين



لجل مره فات عليه



ونأمنه...



ونأمنه...



ونأمنه...



يرفع جبينك يا وطن



اصل اللي زيه ف الوداع..



هو اللي يقدر

على اللي زيك يؤتمن



========



التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4