آخـــر السَــنــة
أحمد أسامة
القَلـب لـولا انــكَــوى
لـولا الـجِـــراح بـتــطــيــب
والعُـمـــر لَـمــا انـطَـــــوى
فَـرقـِت سَـنـة يا حَـبـيـب..
شَــاطِــر فـ فَــن الـهَـــوى
وخَـايـب فـ عِـلـم الـغــيـب
ونـجـيـب مـِن الأول!!
ولا النــهــايـــة تـجــيــب!!
مـ الـنَــرد والـيـانـصــيـب..
و لـسَـطـوة الـفُـصـــحــى
لـلـبـَــرد لــمــــا يـغــــيــب
بـالـجَـــري فــ الـفُـسـحــة
حَــبـة قــلـوب طَــازة
وخــــدود بــغَـــــمَــــــــازة
عَـلـى صــوت غـنــاويـهــم
أَخَـــد النـهــــار يـصــحَــى
الـشَمـس تِـرقِـيـهُــم
تَـنــّــــورَة مَــــســـحُـــورَة
وتــــدور تـحَــــنـّـيـــهُــــــم
وتـبــوس خَــطـــاويــهُــــم
وتـاخــــدلــهــــم صُـــــورة
وتـزقّـهُــم طَـوَابــيـــر
مِـــن قَــبـــل مَــا تـلَـسْـوَع
وتـلِــمـــهُـــم فــ فــصـــول
ومِـــــن الإزاز تِـــســــمَـــع
كَانِـت عـيـال مَــجــدَع
نُـــص الــعــيــال تـِشـقـى
طَــبــاشـــيــر وسَــبــــورة
لَــجــل الــدِكَـــك تـِـرتَــــاح
نُـص الـعيــال طَــايـرَة
زَغــالـيـل فـ سَــنــة أولـى
بكـراريـس ورقـهــا جـنــاح
بـيـسـابـقــوا أعــمــارهــم
ويــســـافـــــروا بـالأيــــام
ومابـيـن بـَوادر شِـتــا
ومـابـيــــن أواخـِـــر عـــام
الــكُـولَــة تــتــكَــسّـر
والــمَــريـَـلــــة تـِقــــصَـــر
تـلــقــى الــوَلــد لَــمّـــــاح
والخَـصـر لما يـضـيـق
تـِحـلـى الـبـَنــات وتـلـيــق
عَـلــى رُكــبـتـيــن تــفـــاح
شُنـَط الـبــراءة بـَـراح
بـَـس الـجَـــرَس سَــجــان
قَـــبــــل الـفـــــروق بـيـنـا
تـِـتــلَــخــلَـــخ الــسِـــنـّــة
يــتــثَـــبـــت الإنــسَــــــان
وانــــا وانـــــتــــــي..
كَــــــان يـــامـــاكَــــــــــان
صَـفـحـة فـ كتـاب حَواديت
والــذَنـــب مِــش ذَنــبـــي
ما انا غِـبـت يومـهـا عَشان
عَـلى تـانـي عَـام لو جِـيت
ما تـكَـمــلـيــش جَـنـبــــي
ونـتــوه مِـن الـصـورة
ونـضـيـع فـ وسط وشـوش
جِلـدة كِـتـاب مَـدرسة
مـ الــهَــجــــر مَـكــسُـــورة
وبـتـنـــجِــلـــد فـ الـحــوش
لـو سَبـّقِـت تـِشكــي
أو بـَــــــدّرِت بــالـــبـُـكــــــا
قَــبــل امــتــحــان الـسَـما
كَـانـت الـمَـلايـكـة تـْحـوش
وانا لَم حَـاولت أفـهَـم
أول سُــــؤال مُـــبـــهَــــــم
بــيــن السـطـــور..بـَيـنَـمــا
التـانــي مــاعِـــرفــتـــوش
تـَالت سُـؤال قَـلـبــي
مَـمـســوح مِـن المَـلـزَمــة
ضَــابـــع مِـن الـمَـقـلَـمـــة
غَـــايــب حَـوالي السَـنـــة
مـيـــن شَـــــافـــــه!!
مــــيــــن مَــاشَـــافـــوش
آخِر سُؤال مَغشوش
مِـن ضِـحـكَـــة بـضـفـيــرَة
وطـلـعـت انـا الـخَـيـبـَـــان
وطـلـعـت انـا الـشَـقـيــان
بـِالـــحُـــب والــــغِــــيـــرة
وطلعتي مِش كِيفي
وطـلـعـتـي سَـنـة تَـانـيــة
وانـا لِــســه فـ الــحِــيــرَة
وعَـمَـلـتـي وَلـهَـانـَـة
وعَــمَـلــتـي سَـهـــيــانَــة
واتـاريـكــي بـِـتـذَاكـــــري
ولا جـِـبـتـلـيـــش سِـيــرة
========
