كان اللي كان يا مكان
أحمد أسامة
كان اللي كان يا مكان
للجاي صبح حكايات
تسقي الصور ألوان
من غزل "ست" بنات
كان يا مكان..راحت
وشطوط عنيك ساحت
كان يا مكان بتموت
مين اللي عاش عاشق!
مين اللي مات مبسوط!
كان يا مكان..والتوت
والطرح ع العالي
طول ما انت من نِفسك
طول ما التمن غالي
كان يامكان جالي
وانا روحي مش ملكي
وماليش فـ قُربه نصيب
محسوب على ماضي
مكتوب فـ علم الغيب
كان يامكان بنسيب
ونحِن ونعاند
ونلوم ليوم ما نعود..
ولا طعم ولا ريحة
يا شعرها المعبود
على كل تسريحة
ياجريحة لون الدم..
شيّب نبات راسي
والصرخة مالهاش صوت
كان يا مكان هي
ومافيش سبب تاني
يحيني كل ما اموت
وحدُه اللي مات عاشق
يقدر يعيش مبسوط!
