إيشارب
أمينة عبد الله
كام اتنين
بيكدبوا على بعض كل يوم
على كورنيش ،على كرسى جنينة ؟
كام بنت
تروّح تستغفر على رعشة الحب اللى حستها
وتتمنى إيدين حبيبها تفضل على جسمها ؟
كام ولد
روّح استحمى من إحساسه بالخطيئة
اللى لقاه ف هدومه ،
وضرب أخته لمل شا فها ع الكورنيش بتتباس ،
أو حرف طرحتها مفكوك ؟
مش قادرين نعد
لإننا كلنا قاعدين على كورنيش
أو كرسى جنينة
وفاكين إيشاربتنا للريح البعيدة عن بيوتنا
البعد عاطينا تصريح بالإنكشاف على بعض .
