ما وزنتش نفسي علي جراحي
محمد السيد عزيز
ما وزنتش نفسي علي جراحي
إهديني بضربة فاس حاده
ع الارض الصابحه لي بوّار
من ضرب الشمس فـ أفخادها
..كده ليل ونهار
وامحي لي الضلمة الساكنه ضلوعي
أنا كاره ليلي , لأنه مُدِّر خطير لـ دموعي
وكاره صبحي الجاي من بعده الليل
وكرهت العُمر الضايع جيل ورا جيل
وكرهت كمان
الصبر الضايع تحت مسمي - عشان
وأوان – وخيار
اشتمني كمان بدواعي الحُب
وقولها فـ وشي " إنت حمار "
بكيني كمان لكن لو مُت
ما تبكي عليا
وطول ما النبض ماهوش واقف
ما تسيبش إيديا
وطول ما انا فيا سوّاد إمحيه
مش طالب منك غير إيدك
فوق زِر الكوبس عشان تضويه
وابسط ده لأنك راح تضوي
سماواك وياه
بئر الحرمان راح بردو أملاه
وهنشرب سوا إلي أخر بوق
انا كنت بزُق زمان لكن
مره اتزقيت
لميت الباقي فـ احلامي ,
قوّمت البيت
لكن جت ريح بنت لذينه
قامت زقاه
ما وزنتش نفسي علي جراحي
فوقعت معاه
