جوابين .. وتالت
محمد السيد عزيز
جوابين .. وتالت
لمجرد لاستمتاع
هكتبلك
جوابين اتنين
تقريهم من بعدي تحيه
وسلام علي روحي الفرشالك
ع الارض حنين
(1)
من يوم ما سكنتي ف لياليا
وبقيتي الاول والاخر
وانا بحلم ديماً م الاخر
بنهاية سعيدة وعلشانك
مش شرط سعادة تكون ليا
(2)
ولإن الحلم تملي عنيد علي طول الخط
ولإني غرقت سنين وسنين
ولا عمري ف مره لقيت الشط
ولإني احترت اطير او اغوص او اشب وانُط
ولإنك كُنتي شريط بيمُر ويجري سريعاً بالاحداث
ويبطئ ديماً قُرب نهاية اخر مشهد ف الاحداث
ولإني بعدي الشارع ديماً خايف إني اموت منداس
ولإنك وإني اتنين مجانين عاقلين تايهين
ولإنك كنتي ولسه بتعشقي زحمة مصر
ولإني تملي بحب الصحرا واحب البحر
فبلاقي الدوشه ف قلبك ملو قصور الجان
وف قلبي تلاقي براح الدنيا وتلقي أمان
(3)
كان اتفاقنا انهم
يبقو يدوب جوابين
ما اعرفش ليه حوّدت ع التالت
طول عمري بوعد واخلف الواعد
طول عمري بعشق رغيي فوق لاوراق
والداء ف صمتي وخطي كان ترياق
انا قلبي داق الحب ده ف ساعتين
وشربت كاس الفرقه جيل ورا جيل
ياما نفسي مره يا موت تشد الحيل
وتحيل عليا تراب يحيل الداء
ياما نفسي انهي جوابي ده ف الحال
لكن عجوزي ما سابش ليا مجال
شيّبني شيّب حلمي يا مسكين
يتمني يتِّم فيّا حِلم عيال
