إعلان

الرئيسية » » كيف تكسب الاصدقاء ؟ | محمد السيد عزيز

كيف تكسب الاصدقاء ؟ | محمد السيد عزيز

Written By Unknown on الخميس، 12 فبراير 2015 | 7:02 ص


كيف تكسب الاصدقاء ؟
محمد السيد عزيز



(1)

اصول التعامل مع الغير 

يستلزم ضبط النفس من الداخل .. 

ولذلك ... وانت داخل .. 

امسح الجزمه بضمير .. 

او اقلعها وادخل بالشراب عادي .. 

الريحه جوا هتطغي علي ريحتُه .. 

والضلمه تستر عنك الماضي .. 



والقلب له دقه نسمعها عند الليل , 

لَكِّن مِن جوا يبقالها صوت وصهيل , 

اتبع دبيب قلبك , ولحد ما تلقاه , 

طبطب عليه بكفك , واحكي وقول وياه , 

يبكي , ما تبكي معاه ,

واديه كمان مناديل .. 



ثم قوله : عزيزي قلب , 

لا تستجيب لأي دفعة من الادرينالين , 

نفسي النهارده نفضل كده هادين , 

نضحك طوال الوقت , 

ولا انت ما صدقت , 

شبطان ف 3 اعدادي وكمان في صورة الحاج ؟ 



والي ان نلتقي ف اخر اليوم ,

فافضل كده مهضوم , 

مفتوح علي اوسع ابوابك , 

شوف مين هيفوت منك , عديه , 

شوف مين هيصدك , وانت هتفضل صادد فيه , 

شوف مين هيوارب فتوارب , 

واول ما هيفتح نجري عليه .. 


(2)

اصول التعامل مع الغير , 

يستلزم ضبط المظهر م الخارج , 

ولذلك , وانت خارج , 

البس اي حاجة علي حبل الغسيل .. 

واكتفي بريحة الاريل فيها او البرسيل . 


(3)

اصول التعامل مع الغير . 

يتستلزم رسم البسمة علي الوش , 

ولذلك ,

ثبت عضلة وشك علي وضع الانبساط .. 

وبلاش تكشيرة الظباط , 

و صمت الاموات . 

وكإنك رايح تتقدم لعروسة ف قعدة صالونات . 


(0)


عوّدت روحك تشتكي لروحك , فبقيت لوحدك تبكي من بوحك , تقعد لحالك مغترب ساكت , تقعد معاهم مضطرب ساكت , تمشي لوحدك مِطِّرب ساكت , يا حسرة الجدع الوحيد في العيد , ينظر نهايته بيشتهي الضمه , ليه العنب خلقة الآله عناقيد , قالو العسل يحلاش ف غير لمة ..




التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4