اقول ازاى
أحمد عثمان
أقول إزاى وحشتينى
وبينا remove
وكام كلمة
يعدو ال 100 وشويه من الالافات
وحبة ذكريات خايبة
تجر العين عشان تتحن
وورقة كنتى كتباها
عشان الفرحه مش أكتر
مبتدلش على عينيكى
وكان بينا حوالى 1000 وشويه
ما بين ضحكاية وابتسامات
لكن فجأه بقيت شفاف
بقيتى بتضحكى ليهم
خلال منى
وأنا قلبى ف وضعية طرف تالت
فبجرى عليكى ب الننى
أقولك شوفى أشعارى
يغيب الفرح عن وشك
يزيد سنك
تموت الضحكة من سنك
خلاص يابنى
عرفت إنك بتكتب شعر
متوجعش بقى دماغى
يزيد ضحكى
ودمعى جوا قلبى يفيض
يعدى الصيف وبعده الصيف
ويجيي خريفك الجافى
صحيح كنا ف أول ساعة من مايو
لكن برضو الخضار خافى
صفار الشمس صفرلك
وحط همومه ع كتافى
وقال شدى الحنين منه
ف زودتيه
يقوم صحابك الحلوين يقولو حرام
يا عينى عليه
دا واد طيب أوى وغلبان
ما تديله البعيد فرصة
وطبعا مالطا بتأدن ولا سامعه
خلاص قلبى مهوش قادر
يشيل دمعه
مشفتش فيه اللى انا عاوزاه
فبضحك جدا على وقتى اللى ضاع فيكى
وبتمنى لو إنى كنت شئ تانى
يدوب فيكى
لكن يبدو
معدش هناك ف روحى طريق يوصلك
