لو تجاوب
محمد السيد عزيز
اختصرني ف كلمة واحده
ولا حتي ف كلمتين
قول ده حاول كان هيوصل
بس حارب مرتين
مره كان قادر يكمّل
بس أسف ما انتصرش
مره كان هيموت بحلمُه
بس جامد ما انكسرش
مره تالته جايه جايه
بس جايه ازاي وفين ؟!
لو تجاوب تلقي نفسك
ف الاجابه مرتين
مره تلقي " ازاي " تقولك
انك اقوي م السدود
مره تلقي " فين " تقولك
انك اكبر م الحدود
مره تلقي النور بيطلع
من قلوب الناس يعين
لو تجاوب تلقي نفسك
ف الاجابه مرتين
لو تشوف الليل وآخره
كُنت تتمني الشروق
ياللي ساكن جوا حيرتك
ف الزقايق والشقوق
ياللي ساكت لجل تسمع
قوم وسمّع كُل سين
لو تجاوب تلقي نفسك
ف الاجابه مرتين
لو تجاوب تلقي روحك
شايفه آخر رُكن فيك
ياللي عايز كُل حاجة
تبقي سهله بين أيديك
لن تنال الحلم حتي
تمشي فوق اشواك وطين
لن تنال الحلم حتي
ترشقك 100 ألف عين
لن تنال الحلم إلا
إلا لو تتشاط ب عِله
ثم تتكعبل ف خله
تِكسرك ف تقوِّي فيك
لن تنال الحلم أصلاً ل
و سؤالك مش لاقيك ..
