الدنيا تلاهي
محمد السيد عزيز
الدنيا تلاهي
وزي ملاهي
يا عامل ساهي اركب مراجيح
.. مراجيح مراجيح ..
والدنيا مشاغل
كعب شناكل
دايره تشاغل بلا تصاريح
.. تصاريح تصاريح ..
وانا عشت مقفل زي القفل
وكنت بمصمص كل التفل
انا شكل مُكَبّر من ذا الطفل
وزيه بحب اشتم واتِف
وبجري وانط واطير والف
وادوب فـ السكر اكله واسِف
يدوب السُكر وافضل احِف
احِف .. واحِف
يا عم جلال يا دي البقال
شخلل لي رفوفك كام شخلال
وناولني كيسين تواً ف الحال
كيسين م السُكر يمكن اخِف
اخِف .. واخِف
