إعلان

الرئيسية » » يا كلبوظة يا بيضة يا حلوة | محمد السيد عزيز

يا كلبوظة يا بيضة يا حلوة | محمد السيد عزيز

Written By Unknown on السبت، 28 فبراير 2015 | 8:17 ص



يا كلبوظة يا بيضة يا حلوة
محمد السيد عزيز


حابب اوجه شكر ف قلبي سنين مكتوم


للشيلاني ف وقت نعاسي وعند النوم 


يا كلبوظة يا بيضا يا حلوة يا ناعمة حرير 


انا من غيرك كنت وعهد الله محروم


اما الشُكر فواجب ولعدة اهداف 


انتي الحضن فـ وقت ما اكش ووقت ما اخاف


وقت ما احس بإني مميل , تبقي كتاف


تبقي الشاش والقطن وحتي المكروكروم 


انا من غيرك كنت وعهد الله محروم 


انا من غيرك كنت هتنّي ايديا ذليل 


حين يكبسني النوم واتكوّم تحت الليل 


وان يزنقني الحزن ف ليلة وتطلب نوح


القي سيادتك قايمة معايا بدور منديل 


يا كلبوظة يا بيضة يا حلوة يا رمز النوم 


انا من غيرك كنت وعهد الله محروم 


واما اشتاق للبنت الحلوة ام ضفيرتين 


امسك فيكي كإنك هيا من الجنبين 


وارقص بيكي لحد ما ادوخ وتدوخي كمان 


ثم لا مانع فوق خدينك دول بوستين 


يا كلبوظة يا بيضة يا حلوة يا شايلة هموم


انا من غيرك كنت وعهد الله محروم 


التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4