يا اسكندرية يا قد
محمد السيد عزيز
يا ام الهوا الملفوف بريح اليود
انا عيشت فيكي وفيكي بردو بموت
يا ام الضفاير مطر
نازل فـ عز البرد
والعين قصايد غزل
ابدع ما فيها السرد
شطك مالوش ف اللوع
ولا حتي حاشُه السد
والبحر فاتح مدد
حاضن دراع المد
والجذر لما ابتدي
شد فـ ضلوعك شد
يا اسكندريه يا قد
ابدع و ادلع خد
انا حبي ليك امتد
م القلعه للمندره
والحب ده كداهوه
مش كدب ولا منظره
يشهد علي حبك
كل اللي داق الهوي
واللي لهواكي نوي
يسهر كده ع الشط
