للسيد راجح داوود
محمد السيد عزيز
راجح داوود , والعهده ع الراوي
باسكاليا يا باسكاليا يا وجعي .
شد الرحال يا خال علي الرابع
شد القلوع يا مراكبي ع البحري
الليل جميل , والحزن , ايه يعني ؟
الليل نهاري وشمسكو , نومي .
قالع هدومي براح الدنيا لا يساعني
والدنيا قاعده وساكته ,, ما تقومي .
قامت وهزت هزتين , سابت
لما انتي شاطره كده
طب كنتي ساكته ليه ؟
حبت تجوّد بالوجع , داخت
لما انتي مش قد الوجع ,
بتقاوحي ليه ؟
غتني يا مالكي , يا حنفي يا شافعي
لما انت قد التوبه ليه ضليت ؟
غتني يا رازي يا مجدي يا دكتور
لما انت غاوي الطب ليه شكّيت ؟
غتني يا راجح بالوجع غتني
لما انت غاوي الموسيقي ليه وطيت ؟
شد الرحال يا خال علي التالت
صوت النغم فالت ومش فالت
شد الرحال يا خال علي الرابع
صوت النغم طالع ومش طالع
شد الرحال يا خال لحد البيت
با سكاليا يا باسكاليا , انا ,لبيت ..
