بُق خمرة
شريف حسن
كان لازم يا تكون
كداب
يا تتدهن جسمك أصفر
يافطة وسط الطريق
ابتسم أنت في الحياة
التجربة..خمرة
..عشان تعلم
لازم تكون مُرة
..جربت
تسوق مترو
تقف في المحطة
من غير ما تفتح
تتخيل رد الفعل
و تضحك على حب الناس للحياة
تكون أخر واحد في الصف
تقتل كل أصحابك من الضهر
وتكتب بدمهم قصيدة
عن طعم الوحدة
والناس بتموت
تسمع مزيكا
ترقص على الدم
لحد ما قلبك يقع
فينكتبلك الخلود في الأرض
تعيش على السلم
تلمس شعر حبيبتك اللي أحد من السيف
جربت تكون محايد
تعشق و تخون
تعشق وتخون تخون
ومايحصللكش أي حاجة
تقلل مكانك على السرير
تزيد الغطا ضعفين
تطلع كل المشاكل عرق
تعمل ميت
تعيش الدنيا بالعكس
تتعذب في النار
وتدوق الدنيا لحس
أهلك يبعوك لصحابك عبد
وأصحابك يبعوك على أول باب للشك
تقتل بدون سبب
تسامح الخاين
تعيشها كده
..جربت
تكون إله
