جوسلين : اغنية حب مستمرة
زين العابدين فؤاد
في البلاد الغريبة
البلاد اللى بعد الجبال
والشموس
والبحور
والقمر
فى البلاد اللى تحْرق شجرها
والبلاد اللى تنْعس،
فى ضل الشجر
فى الآراضى العَطَاشَى
والبلاد اللى تغسل شِعُورها
بسيل المطر
فى البلاد اللى ترقص فى كف الأمان
وحضن الخطر
تفتحى شنطتي
تخرجى من جراب الصور،
م الهدوم الجديدة
شعْره طايره لبعيد
لونها لون السحاب
تتبعى خطوتى
تشربى قهوتى
تفتحى صفحتى
فى كتاب السفر
تطلبى لى الأمان
