تردد 3
أحمد البوهي
خايف أقولك بحبك
محتار اقولهالك
ياهلترى قلبي بعدك
هيهون عليه بعدك
ولا أقول هالك ؟
.
.
مين قبلي قالهالك ؟
والحب جاب آخر
وانا قلبي جبهالك
حكمة من الاخر
الحب مش بيدوم
وسط العتاب واللوم
وانا وانتي ياما زمان
حبينا ناس غيرنا
ايه خدنا غير السهر
والذكرى والاحلام ؟
وآلام تصحي آلام
وكبرنا ما صغرنا
في قلبي لسه كلام
عن حب راح مني
جرح القلوب مغلوب
لو الجراح مني
يا بخت مين انجرح
ولا يبات جارح
يا بكره وامبارح
الحب عشمني
وخد البراح مني
م لقلبي والنني
وماسابش غير حيرة
والخوف طرف تالت
ضحكة وتكشيرة
وكلمة ما اتقالت
وازاي اقولهالك ؟؟؟
خايف اقولك بحبك محتار اقولهالك
