الروح
شريف حسن
ويسألونك عن الروح
.. ماتقولهمش
فكّرهم بصاحب .. سقط من عينيك
.. إزاي ماعرفتش تفرق بينه وبين الكرسي
!لما شفته على القهوة ؟
.. افضح سر القعدة لوحدك في البيت
.. إزاي الكرسي دمّع من كتر حكاياتك
!! و إزاى قعدت تشكر الحيطان على وقفتها جنبك
.. احكي من غير ما
تترعش .. تدمع
.. احكى عن حبيبة
ماتت في حضنك .. لحظة ما النور حدد مكانكم على المسرح
.. و ازاي قعدت جنبها
.. تشبه لها
توأم ... كل واحد من عالم تانى
.. من ساعتها و انت
.. بتخون المخدة مع الشجر في الليل
.. بتعزم الريح على الكورنيش
!! وكل أسرارك مع كرسي المكتب
!! بس ازاي هتدافع عن نفسك
لما كل الناس تعرف إن صحابك ، أهلك ، معارفك
!!!!محبوسين .. في المخزن ؟
