ميدان الساجدين
أحمد عبد العزيز
ميدان الساجدين
ده مش الحرم
ولا ده الحسين
ده بلد حزين
سرقوه عصابة محسوبين
رغم انه حر
لكن إيديه متقيدين
حكّامه شِلة نصابين
قتلوا الأمل فينا جنين
خلو الشباب أبو ضحكة صافيه بيتولد
مكسور حزين
لكن شبابك يابلد
كانوا بمجدك مؤمنين
اتجمعوا متوحدين
من كل درب وكل شارع وافدين
كانت ايديهم فى الهِتاف
مترابطين
وكتير أيادي لكنهم مش معروفين
ولا فى الميدان جم طمعانيّن
إن بحضورهم راح يكونوا مشهورين
والفتنة هربت من صفوف المخلصين
حَضن النصارى المسلمين
قالوا يارب العالمين
انصر جموع الحاضرين
اللي لوضع الذل قالوا رافضين
واللي فى حرية بلادهم طامعين
واللي بثورتهم أطاحوا بالرؤؤس
الفاسدين
والمأجورين والمُفسدين
يارب وحدك راح تكون ليهم مُعين
<p>رفضوا الركوع ..رفضوا الخنوع </p><p>رفضوا يكونوا إلا لك وحدك عبيد</p><p>وتكون جموعهم ليك لوحدك ساجدين</p>
