عيد ميلادي
شريف حسن
..إهداء لسيدنا المسيح لما نطق
!!كان نفسي أكون زيك
..اليُتم
!!!نوع من أنواع الحرية
..أبويا
مؤمن بالخضر
!!كافر برسالتي
..أمي
أول حضن بعد الرضاعة
كان الصبار في حلقي
..من يومها
!!كرهت الغريزة
..اسّمع
" يوم يفرُّ المرءُ من أخيهِ "
الصداقة محاولة فاشلة لصُنع الغريزة
" وامهِ وابيهِ "
مش بس فوق
" لكل امرئ منهم يومئذ شأن يغنيه "
!!هو أمتى هاكون منهم؟؟
..فاكره
!خامس عمود بعد الميدان؟
على فكرة بقى مكان صالح جدًا
..لتبول كلب
سارق حريته بكدبة التبول
!!زينا بالظبط أيام الجامعة
صاحبي نباتي
..أنا
هاخد كل الجماد
أولع في الباقي
أمسح على شعري ـ تلت مرات ـ و احلقه
تلت مرات كفاية
!!لدخول الجنة
..رجال الدين
محمد يتيم
تكريمًا للأيتام
..أنا
اليُتم سبب كافي
لخلق حياة جديدة
!!أنت بس المؤمن بيها
يا معشر الأبناء
!!كلنا هانخش الجنة بدون حساب
..ألا الأيتام
!!أصلهم استمتعوا برفاهية الاختيار
..أربعة و عشرين سنة مسجون
أكيد هصاحب السّجان
!!ارتاح له؟ يمكن
اسمع حكاويه القديمة
ابتسم مرة
افتعل دمعة مشاركة
اسكت
اتمتم بكلام مش مفهوم
..فيعلن اني مسجون
ممنوع من الكلام
!!كل دة أمر طبيعي من شخص عادي
بس الغريب
بعد أول يوم إفراج
!!!!اشتغل سجان
