بريد مجنون ... مدار .... بالعامية ...
.jpg)
معقول تكوني متعرفيش
لأ
أكيد بتمثلي
معقول يكون قلبك محسش
باللي عاملة فيا
من اخري لاولي
هو انتي فعلا
بجد بتسألي ؟!؟
لمين بقول أشعاري
ومين بحب
يمكن مابينا
مسافات كتير
لكن
قلوبنا فاهمه بعض
اكيد لما لمَّحتِ بالسؤال
كنتي بتهزري
ولا
الحقيقه
اني واهم كل دا
ياخبر
تخيلي قدام قلبي
ايه منظري
طب
خليني اقولك
وابدأ كلامي من جديد
انتِ هي
اللي ليها حروفي ديا
وانت الحياة
وانت المني
وانت
اللي بيها
عايش أحلم
من كام سنه
وانت مصدر نشوتي
وجنوني
وانت سر
فرحتي
وشجوني
وانتِ
أنا
في القلب
ومش ممكن تهوني
انتِ
جوابات الغرام
اللي ياما كتبتها
وانت الحروف
انتِ
دواير سكتي
وانت
مشاكلي والظروف
وأنتِ
حلي الوحيد
لمواجهة أي خوف
وقبل ما انهي الحوار
خليني افكرك
تالت ورابع
انتِ
المركز
وأنا
المدار
