تخاريف سبتمبر الحزين
استلفت من شهور السنة بهجتها
عشان ابهج سبتمبر
وما حصلش جديد
فضل سايب فى نفسى نفس الاثر
نفس الالم لمذبحة صبرا وشاتيلا وكرهى للهاشميين اللى ما كنش مبرر ف طفولتى
ومشاورة الزعيم من قطر الثورة اللى انحرمنا منها
واستماعه لاهله العمال مش كومبارس "اتفضل شاى يا ريس"
كانت اطول جملة لعبها قدام الكاميرا.
سبتمبر وتخاريفه
ما قدرتش خفة ضل فؤاد المهندس ولا مرح سعاد
انها تغير ايقاعه ،وتعمل منه..
شهر مختلف عن فكرة انه الخريف بمعناه النفسى
حتى لما فكرت ف صحابى تحويشة عمرى اللى شايلاها لوقت عوزة
يا سبحان الله اتسرسبوا برضوا فى سبتمبر
يا شهر الخريف
مليان بتخاريف ما تلقش باحزانك
وانتظارى
